lunes, 6 de enero de 2020

COMEZAMOS OUTRA ETAPA

O curso de quinto marca a conta atrás dos nosos estudos na educación primaria, e por tanto, no CEIP López Ferreiro.

Ademais, é un ano de cambios, xa que pasamos a traballar e a desenvolver contidos co ordenador. Todo un reto ao que pouco a pouco, cada quen se vai adaptando.

Pero tampouco esquecemos as saídas didácticas. E deste xeito, se hai que estudar o mundo vexetal, por que non saír ao parque máis emblemático de Compostela? Pois si: fomos á Alameda, onde tamén descubrimos esculturas (das dúas Marías, de Valle Inclán, de Rosalía, da leiteira...); vistas panorámicas (da residencia, do Pedroso, da Catedral, da zona vella...); e determinados elementos que nos falan da historia da nosa cidade (o quiosco da música, a capela de Santa Susana, a carballeira onde se realizaban as feiras, os restos arquitectónicos da Exposición Universal...)


martes, 2 de julio de 2019

GALE E LUSA: UNHA HISTORIA DE IRMÁS.



Para celebrar o Día do libro, achegouse Celtia ata a nosa biblioteca. E así, o alumnado de sexto gozou cunha escenificación sobre a historia da nosa lingua, a galega.











UNHA HOMENAXE A XABIER DOCAMPO POLAS LECTORAS DOS ENCONTROS LECTORES

A biblioteca Ánxel Casal e GALIX, decidiron celebrar o cabodano de Xabier Docampo. 

Diversas institucións, persoeiros e centros educativos, se deron cita arredor das lecturas coas que este autor contribuiu a normalizar a nosa lingua na literatura. E o López Ferreiro, tamén foi convidado.

Nos Encontros lectores, un dos libros propostos fora O armario novo de Rubén. Por tanto, as nenas que participan maioritariamente nestes encontros, decidiron seleccionar unha historia das que aparecen no libro e facer con ela teatro lido.

 A súa presentación foi unanimamente eloxiada. Lástima que no vídeo non se escoite o suficiente. 

En calquera caso, ante vostedes "Dacabalo da vasoira", unha historia lida e representada por Elena, Carlota, Mencía, Uxía, Lúa, Lara e Icía.


MAIOS E LETRAS GALEGAS


Como é tradicional no López Ferreiro, celebrouse conxuntamente a festa do Maios e mais as Letras Galegas.
Arredor do maio que se confeccionou cos elementos vexetais aportados polas nenas e polos nenos, interpretáronse melodías galegas, e o alumnado de 6º recitou cantigas tradicionais sobre os diferentes oficios.
O acto rematou cun conto rimado recolleito por Antonio Fraguas:  O casamento da pulga e o rato. Unha historia escenificada polo alumnado de sexto de educación infantil, e narrada por Pablo e Rosalía de sexto. 

E, por suposto, tamén se entregaron os premios do concurso que sobre Antonio Fraguas e a súa obra se veu desenvolvendo na biblioteca desde febreiro; o agasallo consistiu nunha libreta e un lapis moi especial co que  recoller as nosas cantigas da tradición oral.

As axudantes da biblioteca de sexto foron as encargadas de entregar os agasallos, algúns dos cales corresponderon a varios participantes de 6º A e de 6º B.










miércoles, 1 de mayo de 2019

FOMOS A VILA REAL!




Durante varios meses, deixamos de expoñer as nosas actividades e traballos neste blog, pero iso non significa que estiveramos paradas e parados!

O proxecto Pontes para coñecérmonos foi o seleccionado para representar a Compostela no Programa de intercambios escolares entre concellos de Galicia e Norte de Portugal_Eixo Atlántico. Pasamos tres días visitando Vila Real e no mes de maio, foron as nenas e os nenos portugueses quen nos honraron coa súa visita.


Pero antes, houbo que elaborar un arduo traballo que se desenvolveu en tres fases:
  • Motivación e coñecemento da lingua e cultura portuguesa,  e a súa relación coa galega baixo o título Por que nos separamos? Para coñecelo, realizouse unha entrevista á profesora da USC Isabel Morán, e o obradoiro de cociña portuguesa  en colaboración coa ANPA.
  • Unha segunda parte baseouse en analizar se Somos tan diferentes?; as nenas e os nenos buscaron información sobre os datos políticos, administrativos, poboacionais e climáticos da rexión de Tras Os Montes e Galicia, e amosáronos facendo diversas comparacións.
  • E xa finalmente, o alumnado de 6º visitou Vila Real e o portugués veu a Santiago de Compostela na primeira semana de maio. Compartiron momentos coa robótica para coñecer o Camiño Miñoto Ribeiro e un xogo quiz sobre diferentes monumentos e lugares de interese da cidade portuguesa.


ACHÉGATE A VILA REAL, PORQUE AÍNDA HAI MOITO POR  DESCUBRIR...EN PORTUGAL!!!!

COMEZAMOS OUTRA ETAPA

O curso de quinto marca a conta atrás dos nosos estudos na educación primaria, e por tanto, no CEIP López Ferreiro. Ademais, é un ano de c...