O BLOG DE 5º

Un lugar para dar a coñecer as nosas novas, e saber das outras...

martes, 27 de marzo de 2018

QUINTO CELEBRA O DÍA DE ROSALÍA

O alumnado de 5º presentoulles a biografía de Rosalía de Castro ao alumnado de educación infantil e recitoulle algúns dos poemas con máis sona da escritora.



 

21 DO TRES: DÍA DO SÍNDROME DE DOWN


As nenas e os nenos de 5º A quixeron amosar as súas medias diferentes nesta data. Son metáforas da diferenza, pero que se xuntan para recordarnos a inclusión e a integración, e sobre todo, o respecto e a comprensión polas persoas con Síndrome de Down.





lunes, 12 de febrero de 2018

AQUÍ ESTÁ O VÍDEO DA ACTUACIÓN.



Por se queredes comprobar o ben que bailastes como Picapiedras, aquí está a actuación. Máis adiante, colgaremos un vídeo de como se foi preparando todo o Entroido de 5º.

sábado, 6 de enero de 2018

POR UN DESENVOLVEMENTO SUSTENTABLE: CONFERENCIA DE PACO DURÁN

Segundo Paco Durán, decano da facultade de Xeografía e Historia, houbo moitos momentos críticos na Terra provocados polas glaciacións, os meteoros, os volcáns, as sequías...

Actualmente, outros elementos como a demografía, a contaminación, a deforestación, o cambio climático, a sobrepesca, as especies invasoras..., traen consigo, ademais dos problemas na biodiversidade do planeta, un empobrecemento que leva consigo tamén as MIGRACIÓNS.

En definitiva, con Paco Durán descubrimos como o cambio climático traerá a máis temidas das enfermidades á Terra: a pobreza.





O coche no que acudimos ao colexio; algunha roupa que vestimos; o papel que a diario usamos; a tableta coa que xogamos ou o teléfono co que nos comunicamos..., son produtos que, como moitos outros, aportan elementos contaminantes ao planeta Terra.

Sen embargo, hai que recoñecer que tamén se convertiron en practicamente imprescindibles nas nosas vidas. Entón, como podemos utilizalos, ser membros da sociedade actual, sen alterar o medio ambiente?

O primeiro, é comprobar que aspectos rutinarios podemos mellorar. Para iso, completa coa túa familia esta enquisa sobre residuos do profesor da Universidade da Coruña, Manuel Soto.

É totalmente anónima e, ao final, proporciónache unha porcentaxe do grao de implicación que a túa familia ten na reciclaxe. Anota esa porcentaxe e pásalla á profesora sen escribirlle o nome; soamente a porcentaxe.

Empezamos a comprobar? Poi preme xa:

https://emapic.es/custom/residuos-udc

lunes, 25 de diciembre de 2017

CELEBRAMOS O DÍA INTERNACIONAL DA CIDADE EDUCADORA






DÍA INTERNACIONAL DA CIDADE EDUCADORA

O pasado 30 de novembro celebrouse o Día Internacional da Cidade Educadora. Santiago de Compostela é unha das cidades participantes, dentro dunha ampla rede de 493 cidades repartidas por 37 países de todo o mundo:




Aquí hai un par de enlaces por se vos apetece botar unha ollada:


Os alumnos e alumnas de 5º desprazáronse ata a praza do Obradoiro, para ser testemuñas da lectura do manifesto deste ano, a cargo do alcalde.












O enlace ao pdf do manifesto é o seguinte: