OUTRO XEITO DE APRENDER

Durante este mes de novembro estamos experimentando outra maneira de achegarnos aos coñecementos.

Así por exemplo, na clase de ciencias sociais estamos a estudar a representación da Terra. E para nós foi todo un luxo atender ás explicacións do profesor da universidade da Coruña, Alfonso Varela, que tamén ten relación con algún membro do noso curso, é dicir, de quinto.

É incrible que dun xeito experimental, con laranxas, folios e mazás, entenderamos conceptos tan abstractos para nós como os paralelos, os meridianos, a latitude, a lonxitude... En definitiva, a representación da Terra, que como Alberto nos explicou, é unha teima que vén de moi antigo para os humanos. E agora...Toca exame!